Six Months Intensive Course on Tibetan Language and Buddhist Philosophy
Department of Religion and Culture (DRC) of Central Tibetan Administration invites application from college graduated or college going Tibetan students to take part in Six…
Department of Religion and Culture (DRC) of Central Tibetan Administration invites application from college graduated or college going Tibetan students to take part in Six…
ཡངས་པ་ཅན་ཞེས་བྱ་བའི་ཁོར་ཡུག་ཉམས་དགའ་རུ།། དོན་དམ་ཡང་དག་འཕགས་སོགས་བྱང་སེམས་དུ་མ་ཡིས།། བཀའ་ཡི་དགོངས་དོན་དྲང་ངེས་གསལ་བར་ཞུས་པ་ན།། ལེགས་པར་རྣམ་ཕྱེའི་ཆོས་འཁོར་བསྐོར་ལ་ཕྱག་འཚལ་ལོ།། ཞེས་ཡངས་པ་ཅན་ནམ་བཻ་ཤཱ་ལི་ (Vaishali) ཟེར་བ་ནི། སྟོན་པས་གདུལ་བྱ་ཐེག་པ་ཆེན་པོའི་རིགས་ཅན་དབང་པོ་འབྲིང་རྣམས་ལ་ལེགས་པར་རྣམ་པར་ཕྱེ་བའི་ཆོས་ཀྱི་འཁོར་ལོ་གསུམ་པ་བསྐོར་བའི་གནས་དང་། སྔོན་བཅོམ་ལྡན་འདས་ཤིང་ཨཱ་མྲས་སྐྱེད་མོས་ཚལ་དང་། སྤྲེའུ་རྫིང་གི་འགྲམ་ན་ཁང་པ་བརྩེགས་པའི་གནས་ན་བཞུགས་པར་འདུལ་བ་ལས་གསུངས་པའི་གནས་ཆེན་དང་། ཆོས་རྒྱལ་མྱ་ངན་མེད་ཀྱིས་སྦྱིན་བདག་བྱས་ཏེ། གྲོང་ཁྱེར་ཡངས་པ་ཅན་གྱི་ཀུ་སུམ་པུ་རིའི་གཙུག་ལག་ཁང་དུ། དགྲ་བཅོམ་པ་གྲགས་པ་ལ་སོགས་པའི་དགྲ་བཅོམ་བདུན་བརྒྱས་བཀའ་བསྡུ་གཉིས་པ་མཛད་པ་སོགས་ཀྱི་གནས་ཡིན། ཆོས་རྒྱལ་མྱ་ངན་མེད་ཀྱིས་སེར་སྐྱ་དང་ཝཱ་རཱ་ཎ་སཱི་དང་གཉན་ཡོད་དང་རྒྱལ་པོའ་ིཁབ་དང་ཡངས་པ་ཅན་དང་གྲོང་ཁྱེར་གསལ་ལྡན་དང་རྩྭ་མཆོག་གྲོང་དང་རྡོ་རྗེ་གདན་བཅས་གནས་ཆེན་བརྒྱད་དུ་དྷརྨ་རཱ་ཛ་ཀ་ཞེས་མཆོད་རྟེན་ཆེན་པོ་བརྒྱད་བཞེངས་པར་རྡོ་རྗེ་གདན་གྱི་རྣམ་བཤད་རྒྱན་གྱི་མེ་ཏོག་ཏུ་གསལ་བ་ལས། ཡངས་པ་ཅན་དུ་ཆོས་རྒྱལ་མྱ་ངན་མེད་ཀྱིས་བསླངས་པའི་རྡོ་རིང་སེངྒེའི་ཏོག་ཅན་ཞིག་དང་། དེའི་མདུན་དཀྱིལ་དུ་མཆོད་རྟེན་ཟླུམ་གཟུགས་དེ་ཆོས་རྒྱལ་མྱ་ངན་མེད་ཀྱིས་བཞེངས་པ་ཡིན་ནམ་སྙམ་པའི་མཆོད་རྟེན་དང་། གནའ་དུས་སུ་ཡངས་པ་ཅན་དགེ་འདུན་གྱི་སྡེ་ཚོགས་ཆེན་པོ་ཡོད་པའི་དགོན་ཤུལ་ཧ་ཅང་གི་ཆེན་པོ་བཅས་མཇལ་རྒྱུ་ཡོད། དེ་ནས་ལྷོ་ངོས་སུ་ཅུང་ཙམ་ཕྱིན་ན། སྟོན་པ་མྱ་ངན་ལས་འདས་རྗེས་སྐུ་གདུང་རིང་སྲེལ་ཆ་བརྒྱད་དུ་བགོས་ཏེ། ལི་ཙཱ་བིའི་སྐལ་བ་རིང་སྲེལ་བཞུགས་པའི་གནས་དང་། དེའི་མདུན་མིག་རྒྱང་གཅིག་གི་སར་སྤྲེའུ་རྫིང་དང་། སྤྲེའུ་ཚོགས་ཀྱིས་སྟོན་པ་ལ་སྦྲང་རྩི་ཕུལ་བའི་གནས་དང་། དེའི་འགྲམ་དུ་ཀུན་དགའ་བོས་མྱ་ངན་ལས་འདས་སྐབས་ཆོ་འཕྲུལ་རྣམ་པ་སྣ་ཚོགས་བསྟན་ནས་སྐུ་ལུས་དེ་དུམ་བུ་གཉིས་མཛད་དེ། ཕྱེད་དེ་ཡངས་པ་ཅན་པ་དང་། ཕྱེད་དེ་རྒྱལ་པོ་མ་སྐྱེས་དགྲ་ལ་ཐོབ་ནས་ལིཙྪ་བི་རྣམས་ཀྱིས་ཡངས་པ་ཅན་དུ་མཆོད་རྟེན་བཞེངས་པའི་གནས་བཅས་མཇལ་རྒྱུ་ཡོད།…
ཚངས་དབང་བརྒྱ་བྱིན་ལ་སོགས་ལྷ་རྣམས་དུ་མ་ཡིས།། གསེར་གྱི་འཁོར་ལོ་རྩིབས་སྟོང་ཕུལ་ཏེ་གསོལ་བ་བཞིན།། ཝཱ་རཱ་ཎ་སཱི་དྲང་སྲོང་སྲོང་ལྷུང་བའི་གནས་མཆོག་ཏུ།། བདེན་བཞིའི་ཆོས་འཁོར་སྐོར་བར་མཛད་ལ་ཕྱག་འཚལ་ལོ།། ཞེས་གནས་ཆེན་བཞིའི་ཡ་གྱལ་ཝཱ་རཱ་ཎཱ་སཱི་ནི་ (Sarnath) ནི། སྟོན་པ་མཆོག་སངས་རྒྱས་པའི་མཛད་པ་བསྟན་ནས་ཐུགས་ལ། ཟབ་ཞི་སྤྲོས་བྲལ་འོད་གསལ་འདུས་མ་བྱས།། བདུད་རྩི་ལྟ་བུའི་ཆོས་ཤིག་ཁོ་བོར་རྙེད།། སུ་ལ་བསྟན་ཀྱང་གོ་བར་མི་ནུས་པས།། མི་སྨྲ་ནགས་ཀྱི་འདབས་སུ་གནས་པར་བྱ།། ཞེས་དེ་ལྟར་ཐུགས་ལ་དགོངས་ནས་ཞག་བདུན་བདུན་བཞི་བཅུ་ཞེ་དགུའི་རིང་ཆོས་མ་གསུངས་པར་ཚོང་དཔོན་ག་གོན་དང་བཟང་པོ་སོགས་ཀྱིས་མཆོད་ཅིང་བཞུགས་པ་ན། མི་མཇེད་འཇིག་རྟེན་གྱི་བདག་པོ་ཚངས་པ་ཆེན་པོས། གསེར་གྱི་འཁོར་ལོ་རྩིབས་སྟོང་དང་ལྡན་པ་ཕུལ་ནས་ཆོས་ཀྱི་འཁོར་ལོ་བསྐོར་བར་གསོལ་བ་བཏབ་པ་ཞལ་གྱིས་བཞེས་ཏེ། ཝཱ་རཱ་ཎ་སཱིར་དྲང་སྲོང་ལྷུང་བ་རི་དྭགས་ཀྱི་ནགས་སུ་བྱོན་ཏེ། བོད་ཟླ་དྲུག་པའི་ཚེས་བཞི་ཉིན། འཁོར་ལྔ་སྡེ་བཟང་པོ་ལ་སྐབས་དང་པོ་བདེན་བཞིའི་ཆོས་འཁོར་བསྐོར་བས། ཀུན་ཤེས་ཀཽའུ་དི་ན་ཡ་ལ་དགྲ་བཅོམ་པ་ཐོབ། རྟ་ཐུལ་དང༌། རླངས་པ། མིང་ཆེན། བཟང་ལྡན་བཅས་ཀྱིས་བདེན་པ་མངོན་སུམ་མཐོང་བ་སོགས་ཀྱི་ལོ་རྒྱུས་ཡོད་པའི་གནས་ངོ་མཚར་ཅན་དེ་ཡིན་ནོ།།
གང་སྐུ་དངོས་ཀྱི་གདུལ་བྱ་ཐམས་ཅད་ལེགས་གྲོལ་ནས།། ལེ་ལོ་རྟག་འཛིན་ཅན་རྣམས་ཆོས་ལ་བསྐུལ་བའི་ཕྱིར།། རྩྭ་མཆོག་གྲོང་དུ་དགེ་འདུན་འཁོར་ཚོགས་འདུས་པའི་དབུས།། གཟུགས་སྐུ་མྱ་ངན་འདས་ཚུལ་བསྟན་ལ་ཕྱག་འཚལ་ལོ།། ཞེས་རྩ་མཆོག་གྲོང་ (Kushi Nagar) ནི། སྟོན་པ་ཐུགས་རྗེ་ཅན་གྱིས་སྡེ་སྣོད་གསུམ་དང༌། རྒྱུད་སྡེ་བཞི་ལ་སོགས་པའི་ཆོས་ཇི་སྙེད་ཅིག་བཀའ་སྩལ་ཏེ། གདུལ་བྱ་བགྲང་བ་ལས་འདས་པ་སྨིན་ཅིང་གྲོལ་བར་མཛད་ནས། སྐུ་དངོས་ཀྱི་གདུལ་བྱ་ཐ་མ་འདུལ་བའི་དུས་ལ་བབ་པར་གཟིགས་ནས་གྲོང་ཁྱེར་རྩ་ཅན་དུ་ཕེབས་ཏེ། པི་ཝང་མཁན་གྱི་གཟུགས་སུ་སྤྲུལ་ནས་དྲི་ཟའི་རྒྱལ་པོ་རབ་དགའ་བདེན་པ་ལ་བཀོད། དེ་ནས་རྫིང་བུ་དལ་འབབ་ཀྱི་འགྲམ་ན་ཀུན་ཏུ་རྒྱུ་རབ་བཟང་ལོ་བརྒྱ་དང་ཉི་ཤུ་ལོན་པ་དགྲ་བཅོམ་པར་གྲགས་པ་ཞིག་ཡོད་པ་དེས། ཨུ་དུམ་ཝཱ་རའི་མེ་ཏོག་རྙིང་པ་སོགས་སྟོན་པ་མྱ་ངན་ལས་འདའ་བའི་རྟགས་མང་པོ་མཐོང་སྟེ། སྟོན་པ་མཇལ་བར་འདོད་ནས་ཀུན་དགའ་བོ་ལ་ལན་གསུམ་ཞུས་པའི་མཐར་སྟོན་པས་མཁྱེན་ཏེ། རབ་བཟང་ཚུར་ཤོག་གི་སྒོ་ནས་བསྙེན་པར་རྫོགས་ཏེ་དགྲ་བཅོམ་པར་བཀོད་པ་དང་། མགར་བའི་བུ་ཙུན་ད་ལས་བསོད་སྙོམས་ཀྱི་མཐའ་མ་བཞེས་ཏེ། སྟོན་པས་སྐུའི་སྟོད་གཡོགས་བསལ་ནས་དགེ་སློང་དག་དེ་བཞིན་གཤེགས་པའི་སྐུ་ལ་བལྟ་བ་ནི་རྙེད་པར་དཀའ་བས། དེ་བཞིན་གཤེགས་པའི་སྐུ་ལ་ལྟོས་ཤིག །འདི་ལྟར་འདུས་བྱས་ཐམས་ཅད་ནི་འཇིག་པའི་ཆོས་ཅན་ཡིན་ཏེ། འདི་ནི་དེ་བཞིན་གཤེགས་པའི་གསུང་གི་ཐ་མ་ཡིན་ནོ། །ཞེས་གསུངས་ནས་ཤིང་སཱ་ལ་ཟུང་གི་དྲུང་དུ་དབུ་བྱང་ཕྱོགས་སུ་བསྟན་ཏེ། དགུང་ལོ་བརྒྱད་ཅུ་གྱ་གཅིག་ལ་ཕེབས་པ་ལྕགས་ཕོ་འབྲུག་གི་ལོ་ས་ག་ཟླ་བའི་ཚེས་བཅོ་ལྔ་ཉིན་གདུལ་བྱ་ཐུན་མོང་བའི་ངོར་སྟོན་པ་མཆོག་སྐུ་མྱ་ངན་ལས་འདས་པའི་ཚུལ་བསྟན་པའི་གནས་ཡིན། དེང་སང་གནས་དེར་མཆོད་རྟེན་དཀར་ཟླུམ་ཞིག་དང་།…
༄༅། །བརྩེ་བའི་བདག་ཉིད་རྣམ་འདྲེན་སྟོན་མཆོག་གང་དེ་ཡིས།། དང་པོ་རིན་ཆེན་བྱང་ཆུབ་མཆོག་ཏུ་སེམས་མཆོག་བསྐྱེད།། བར་དུ་བསྐལ་ཆེན་གྲངས་མེད་གསུམ་དུ་ཚོགས་གཉིས་རྫོགས།། མཐར་ཐུག་མཁྱེན་བརྩེའི་དཔལ་མངའ་སྐུ་བཞིའི་གོ་འཕང་བརྙེས།། དེ་ནས་སྟོང་གསུམ་ཁམས་ཀུན་ཁྱབ་པའི་འགྲོ་རྣམས་ཀྱི།། བློ་དང་འཚམ་པའི་འཕྲིན་ལས་སྤྲུལ་བསྒྱུར་དཔག་མེད་ཅིང་།། ལྷག་པར་མི་མཇེད་འཇིག་རྟེན་ཁམས་ཀྱི་འགྲོ་བ་རྣམས།། གང་གིས་འདུལ་བའི་དུས་ལ་བབས་པར་གཟིགས་ནས་ནི།། དགའ་ལྡན་ཡིད་དགའ་ཆོས་འཛིན་ལྷ་ཡི་མདུན་ས་རུ།། གང་གི་རྒྱལ་ཚབ་བྱམས་པ་མགོན་པོ་མངའ་གསོལ་ཏེ།། རིགས་རུས་ཆོ་འབྲང་ལ་སོགས་གཟིགས་པ་ལྔ་ལྡན་གྱིས།། དགའ་ལྡན་གནས་ནས་འཕོ་བར་མཛད་ལ་ཕྱག་འཚལ་ལོ།། ནམ་གྱི་ཐོ་རངས་སྒྱུ་འཕྲུལ་ལྷ་མོའི་མནལ་ལམ་དུ།། གླང་ཆེན་ཕྲུ་གུ་ཐལ་དཀར་མཆེ་བ་དྲུག་ལྡན་ཞིག། མཁའ་ལས་གཤེགས་ཏེ་རང་ལ་འཐིམ་པའི་སྣང་ཚུལ་གྱིས།། ཡུམ་གྱི་ལྷུམས་སུ་ཞུགས་པར་མཛད་ལ་ཕྱག་འཚལ་ལོ།། སེར་སྐྱའི་གྲོང་དུ་ཤཱ་ཀྱའི་རིགས་སྲས་སྟོང་དང་ལྷན།། གཞོན་ནུས་རྩེད་འཇོ་རོལ་མཛད་སྒྱུ་རྩལ་ཡིག་རིགས་སོགས།། ཟླ་མེད་ངོ་མཚར་རྫོགས་པའི་མཚན་སྙན་འབར་བ་ཡི།། བཟོ་ཡི་གནས་སོགས་མཁས་པར་བསྟན་ལ་ཕྱག་འཚལ་ལོ།། ཤཱ་ཀྱ་རྒན་རབས་མང་པོས་ཡབ་ལ་བསྐུལ་བའི་ངོར།། ཁབ་ལ་བཞུགས་ནས་རྒྱལ་སྲིད་བདག་གིར་བཞེས་ནས་ནི།། ཡོན་ཏན་རྫོགས་པའི་སྒེག་མ་ས་མཚོ་མ་ལ་སོགས།། བཙུན་མོའི་འཁོར་གྱི་རོལ་བར་མཛད་ལ་ཕྱག་འཚལ་ལོ།།…
རྒྱལ་པོའི་ཁབ་ཅེས་པ་ནི། རྒྱ་གར་ཡུལ་དབུས་མ་ག་དྷ་ཞེས་གྲོང་ཁྱེར་ཆེན་པོ་དྲུག་གམ་བཞིའི་ཡ་གྱལ་རྒྱལ་པོ་པད་མ་ཆེན་པོའི་སྲས་གཟུགས་ཅན་སྙིང་པོ་བཙས་པའི་ཡུལ་ཡིན་པ་མ་ཟད། གནས་དེར་སྟོན་པ་མཆོག་གིས་ཁྱིམ་བདག་དཔལ་སྦས་དང་། གླང་པོ་ནོར་སྐྱོང་གཉིས་བཏུལ་བ་དང་། རྒྱལ་པོ་གཟུགས་ཅན་སྙིང་པོས་སྦྱིན་བདག་མཛད་ནས་སྟོན་པ་ཡུན་རིང་བཞུགས་པ་དང་། བཀའ་བསྡུ་དང་པོ་མཛད་པའི་གནས། རྒྱལ་པོ་གཟུགས་ཅན་སྙིང་པོ་ (Bimbisara) ཞེས་སྙན་གྲགས་ཤིན་ཏུ་ཆེ་བའི་རྒྱལ་པོ་དེའི་རྒྱལ་ས་ཡིན། གཟུགས་ཅན་སྙིང་པོ་ནི་བདག་ཅག་གི་སྟོན་པ་མཆོག་ལ་དད་གུས་ཧ་ཅང་ཆེ་ཞིང་། ལོ་རྒྱུས་ཐོག་སྟོབས་འབྱོར་དང་སྙན་གྲགས་ཡོད་པའི་རྒྱལ་པོ་ཞིག་དང་། མཐར་རང་གི་སྲས་མ་སྐྱེས་དགྲས་སྐུ་བཀྲོངས་པ་རེད། གནས་དེར་སྔོན་སངས་རྒྱས་ཀྱི་སྐུ་གདུང་ཆ་བརྒྱད་ལས་མ་སྐྱེས་དགྲའི་བགོས་སྐལ་རིང་སེྲལ་བཞུགས་ཡོད་ཚུལ་དང་། ཆོས་རྒྱལ་མྱ་ངན་མེད་ཀྱི་མཆོད་རྟེན་ཆེན་པོ་ཞིག་བཞེངས་ཚུལ་གསལ་ཞིང་། སྔོན་དུས་སུ་ཆག་ལོ་ཙཱ་བ་གནས་དེར་ཕེབས་ནས་པཎ་ཆེན་ཡ་ཤོ་མི་ཏྲའི་མདུན་དུ་ཆོས་མང་དུ་གསན་པའི་ལོ་རྒྱུས་ཡོད་པ་རེད། ད་ལྟ་རྒྱལ་པོ་གཟུགས་ཅན་སྙིང་པོའི་ཕོ་བྲང་གི་ཆགས་ཤུལ་སོགས་ཡོད་ཅིང་། གཡས་གཡོན་ཚང་མ་རིས་བསྐོར་བའི་དབུས་ཀྱི་ཐང་ཐམས་ཅད། རྒྱལ་པོའི་ཁབ་ཀྱི་སྔོན་གྱི་གྲོང་ཁྱེར་གྱི་ཆགས་ཤུལ་ཡིན་པ་དང་། ཁང་པ་ཞིག་རལ་གྱི་ཤུལ་མང་པོ་ཡོད་པ་མ་ཟད། རྒྱལ་པོ་གཟུགས་ཅན་སྙིང་པོ་བཙོན་དུ་བཅུགས་སའི་བཙོན་ཁང་ཡིན་ཟེར་བའི་ཤུལ་དང་། དེ་དང་ཉེ་བར་འོད་མའི་ཚལ་དང་། ཆུ་ཚན་སོགས་གནས་མང་པོ་མཇལ་རྒྱུ་ཡོད། མདུན་ཐང་དུ་ཁང་རྙིང་ཆེན་པོའི་ཤུལ་ཡོད་པ་དང་། རྒྱབ་ཏུ་བྲག་ཕུག་ཁང་སྒོའི་དབྱིབས་ཅན་དང་། ནང་དུ་རྒྱ་ཆེ་ཞིང་ཁོད་ཡངས་པ།…
རིན་ཆེན་ཤིང་རྟའི་སྟེང་དུ་ཕྱོགས་བཞིར་ཕེབས་པའི་ཚེ།། འཁོར་བའི་བྱ་བ་སྙིང་པོ་མེད་པར་ལེགས་གཟིགས་ཏེ།། སེར་སྐྱའི་གྲོང་ནས་གཤེགས་ཏེ་མཆོད་རྟེན་རྣམ་དག་དྲུང་།། ཉིད་ལས་རབ་ཏུ་བྱུང་བར་མཛད་ལ་ཕྱག་འཚལ་ལོ།། ཞེས་མཆོད་རྟེན་རྣམ་དག་དྲུང་ནི། སྟོན་པ་ཐུགས་རྗེ་ཅན་སྐུ་བལྟམས་ནས། བཟོ་ཡི་གནས་ལ་མཁས་པར་སྟོན་པའི་མཛད་པ་དང་། བཙུན་མོའི་འཁོར་དུ་རོལ་བའི་མཛད་པ་སོགས་བསྟན་ནས་དགུང་ལོ་ཉེར་དགུ་བར་ཁབ་ཏུ་བཞུགས་པ་དང་། དེ་ནས་གཞོན་ནུ་དོན་གྲུབ་འཁོར་བ་ལ་ངེས་འབྱུང་སྐྱེས་ཏེ། རབ་ཏུ་འབྱུང་ཕྱིར་སེར་སྐྱའི་གྲོང་ནས་རྟ་བསྔགས་ལྡན་ཞེས་པར་ཆིབས་ཏེ། གྱད་ཀྱི་ཡུལ་ལས་འདས་ནས་དབེན་པའི་ནགས་ཚལ། མཆོད་རྟེན་རྣམ་དག་གི་དྲུང་དུ་རང་ཉིད་ཀྱི་དབུ་སྐྲ་རང་ཉིད་ཀྱི་རལ་གྲིས་བཅད་དེ་རབ་ཏུ་བྱུང༌བའི་གནས་ངོ་མཚར་ཅན་དེ་ཡིན་ནོ།། མཆོད་རྟེན་རྣམ་དག་དྲུང་ལ། ཡུལ་སྐད་དུ་ཀེ་ས་རི་ཡ་ (Boddh.Stupa.kesariya) ཟེར། དེའི་དོན་དབུ་སྐྲ་བསལ་བ་ལྟ་བུར་གོ་ཞིང་། ཡིག་ཐོག་ཏུ་བཀོད་པ་ཞིག་ན། དེ་ནས་རྒྱང་གྲགས་གཉིས་ན། རྒྱལ་སྲས་རབ་ཏུ་བྱུང་བའི་གནས་དེ་ན། མཆོད་རྟེན་སྒོ་མང་དབྱིབས་ཅན་བང་རིམ་གསུམ། ཀུན་ཀྱང་ཆུ་ཞེང་མཉམ་སྟེ་འདོམ་དྲུག་འཁོར། ལོགས་གསུམ་ཐུབ་པའི་རྡོ་སྐུ་འཛུགས་རེ་བ། ནུབ་ཀྱི་བུ་གར་མི་གཅིག་ཤོང་བའི་ནང་། རྡོ་ལེབ་ངོས་ལ་གནས་བརྒྱད་འབུར་དུ་གཏོད།…
དཔལ་ནཱ་ལེནྡཱ་ཞེས་པ་ནི། སྔོན་རྒྱ་གར་དུ་ནཱ་ལེནྡཱའི་གཙུག་ལག་ཁང་ཆེན་མོ། བི་ཀྲ་མ་ཤཱི་ལའི་གཙུག་ཁང་ཆེན་མོ། ཨོ་ཏནྟ་པུ་རིའི་གཙུག་ལག་ཁང་སོགས་གཙུག་ལག་ཁང་སྙན་གྲགས་ཅན་མང་པོ་ཡོད་པའི་ནང་གི་གཙོ་བོ་དང་། ནང་བསྟན་རིག་གནས་སློབ་གཉེར་བྱེད་སའི་ཤེས་ཡོན་གྱི་བསྟི་གནས་ཀྱི་ཆོས་སྡེ་ཆེན་པོ་ཞིག་ཡིན། ཆོས་སྡེ་ཆེན་པོ་དེ་ནི། གནའ་དུས་རྒྱ་གར་གྱི་རྒྱལ་པོ་ཆེན་པོ་ལོ་ཛ་ཏེ་ཇི་སྟེ་འཇིག་རྟེན་ཉི་མ་ཞེས་པས་ས་གཞི་བཟང་པོ་ཞིག་བཙལ་ཏེ། གཙུག་ལག་ཁང་ཐོག་མར་དབུ་བཙུགས་པ་དང་། དེ་ནས་རྒྱལ་པོ་དེའི་བུ་བུདྡྷ་གུཔྟ་སྟེ་སངས་རྒྱས་སྦས་པས་རྒྱལ་སྲིད་བསྐྱངས་ཤིང་། ཤུལ་འཛིན་ཚ་བོ་ཏ་ཐཱ་ག་ཏ་གུཔྟ་སྟེ་དེ་བཞིན་གཤེགས་པ་སྦས་པས། གཙུག་ལག་ཁང་དང་རྭ་བ་ཞིག་རལ་རྣམས་ལེགས་གསོ་བྱས། དེའི་རྒྱལ་པོ་ཕྱི་མ་བྷུ་རཱ་ཏེ་ཛ་སྟེ་སྒྱུ་མའི་ཉི་མ་ཞེས་བྱ་བས་ནཱལནྡཱ་ཤར་ངོས་དང་། བྱང་ཤར་ཕྱོགས་སུ་གཙུག་ལག་ཁང་རེ་རྫོགས་པར་བཞེངས་པར་གསལ་ཞིང་། ད་ལྟ་ནཱ་ལེནྡཱ་རུ་སྔོན་གྱི་བྱུང་རབས་ལོ་རྒྱུས་ཡི་གེ་རྡོ་བརྐོས་ཤིག་འདུག་པ་དེའི་ངོས་སུ་ཕྱི་ལོ་ ༤༡༣ ནས ༤༥༥བར་གུཔྟའི་རྒྱལ་རྒྱུད་ཀུ་མཱ་ར་གུཔྟས་(Kumara Gupta) བཞེངས་པ་དང་། དེ་ནས་དུས་རབས་དྲུག་པའི་ནང་ཀཱནྣཽ་ཛ་(Kannauj) ཞེས་པས་མཐུན་སྦྱོར་རྒྱ་བསྐྱེད་ཆེན་པོ་གནང་བ་དང་། དུས་རབས་བརྒྱད་པ་ནས་བཅུ་གཉིས་བར་པཱ་ལཱའི་རྒྱལ་རྒྱུད་ (Pala Kings) རྣམས་ཀྱིས་མཐུན་སྦྱོར་རྒྱ་བསྐྱེད་གནང་བ་དང་།…
ཡུམ་གྱི་དྲིན་ལན་གསབ་ཕྱིར་སུམ་ཅུ་རྩ་གསུམ་ན།། དབྱར་གནས་མཛད་དེ་ལྷ་ཡི་འཁོར་ཚོགས་དཔག་མེད་ལ།། ཆོས་ཀྱི་འཁོར་ལོ་བསྐོར་ཏེ་ལྷ་ཡི་གནས་མཆོག་ནས།། སླར་ཡང་མི་ཡུལ་ཕེབས་པར་མཛད་ལ་ཕྱག་འཚལ་ལོ།། ཞེས་སྟོན་པ་མཆོག་ལྷ་ལས་བབས་པའི་གནས་གྲོང་ཁྱེར་གསལ་ལྡན་ནམ་སཱིན་ཀཱི་སཱི་(Sankisa)ཞེས་པ་ནི། བཅོམ་ལྡན་འདས་དགུང་ལོ་བཞི་བཅུ་ཞེ་གཅིག་ལ་ཕེབས་པ་ལྕགས་ཕོ་བྱི་བའི་ལོར་ཡུམ་སྒྱུ་མ་ལྷ་མཛེས་དང་ལྷ་རྣམས་རྗེས་སུ་བཟུང་བའི་ཕྱིར། སུམ་ཅུ་རྩ་གསུམ་ཆོས་བཟང་ལྷའི་མདུན་སར་ཕེབས་ཏེ་དབྱར་གཅིག་བཞུགས་ནས། སྟོན་ཟླ་འབྲིང་པོའི་ཚེས་ཉི་ཤུ་གཉིས་ལ་བཅོམ་ལྡན་འདས་ལྷ་ཡུལ་ནས་སླར་མི་ཡུལ་དུ་ཕེབས་པའི་གནས་ཡིན་ལ། སྔོན་བཙུན་པ་ཐང་ཟན་གྱིས་གཟིགས་པའི་ཆོས་རྒྱལ་མྱ་ངན་མེད་ཀྱི་རྡོ་རིང་གླང་ཆེན་གྱི་གཟུགས་ཀྱི་ཏོག་ཅན་ཡོད་པར་གསུངས་པ་བཞིན། ད་ལྟ་ཡང་རྡོ་རིང་དེ་ཡོད་པ་དང་། གཞན་མཆོད་རྟེན་ཞིག་རལ་ཞིག་དང་། དགོན་ཤུལ་སོགས་མཇལ་རྒྱུ་ཡོད་པ་རེད། གནས་དེ་ནི་ཨུ་ཏྟར་པྲ་དེ་ཤའི་ (Uttar pradesh) མངའ་ཁོངས་སཱིན་ཀཱི་སཱི་ (Sankisa) ཞེས་པར་ཡོད་པ་དང་། ལྡི་ལི་བརྒྱུད་ཨཱག་རཱ་ (Agra) ནས་ཕྱིན་ན་ཀི་ལོ་མི་ཊར་ ༡༦༥ ཡོད། ཨཱག་རཱ་ལ་ཏཱ་ཇ་མ་ཧལ་ཞེས་པའི་རོ་ཁང་སྐད་གྲགས་ཅན་ཡོད་པ་རེད།
ཀཽ་ཤཱམ་བྷི་ (Kosambi) ནི། བྱང་ཆུབ་སེམས་དཔའ་སྐུ་བལྟམས་པ་དེའི་ཚེ་ན་གྲོང་ཁྱེར་ཆེན་པོ་བཞི་ཡི་རྒྱལ་པོ་ཆེན་པོ་བཞི་ལ་བུ་རེ་བཙས་པའི་ཡ་གྱལ་རྒྱལ་པོ་དམག་བརྒྱ་པའི་བུ་ཤར་བ་བཙས་པའི་ཡུལ་ཡིན་པ་ཟད། སྔོན་སྒྲས་མངོན་གྱི་ ཀུན་དགའ་ར་བ་ཞེས་པ་སྟོན་པའི་བཞུགས་གནས་དང་། བློན་པོ་གདངས་ཅན་གྱིས་སངས་རྒྱས་སྤྱན་དྲངས་ཏེ་ལོ་གཅིག་བཞུགས་ཤིང་། དེང་སང་གནས་དེར་གནའ་བོའི་ཕོ་བྲང་གི་ཤུལ་དང་། ཆོས་རྒྱལ་མྱ་ངན་མེད་ཀྱི་རྡོ་རིང་། ཞིང་གི་དཀྱིལ་ན་སྔོན་གྱི་གྲོང་ཁྱེར་གྱི་ལྕགས་རི་གསལ་ཙམ་ཡོད་པ་དང་། ཀཽ་ཤམ་བི་ནས་ལྷོ་ཕྱོགས་རྒྱང་རིང་པོ་ན་རི་བོ་འབིགས་བྱེད་ཀྱང་གསལ་བར་མཐོང༌ཞིང་། དེང་སྐབས་རྒྱ་གར་གྱི་ཨུ་ཏྟར་པྲ་དེ་ཤའི་ (Uttar Pradesh) གྲོང་ཁྱེར་ཀཱ་པུར་ (Kanpur-allahabad) ཞེས་པ། ཆུ་བོ་ཡ་མུ་ནའི་འགྲམ་དུ་ཀཽ་ཤམ་བིའི་ཤུལ་དེ་ཡོད། ཝཱ་རཱ་ཎ་སཱི་ (Varanasi) ནས་ཀཽ་ཤཱམ་བྷིའི་ (Kaushambi) བར་དུ་སྤྱི་ལེའམ་ཀི་ལོ་མི་ཊར་ ༡༩༩ ཡོད།